FACOM FEST
UN FESTIVAL DE CINE PARA AS OBRAS DE ESTUDANTES GALEGOS
XURADO DE NON FICCIÓN
.jpeg)
.jpg)
Iria Silvosa
Iria Silvosa Peteira (Vilalba, 1992). Graduada en Comunicación Audiovisual, especializada en montaxe e socia-traballadora na coopertiva NUMAX.
No campo da creación, dirixe as súas propias pezas centradas nos soportes analóxicos e prácticas consideradas máis "caseiros" coma en 'a Loba' filmada en super-8, coa que formou parte do catálogo do Shorts From Galicia 2021 e participou no Ribalta experimental film festival.
Dende a montaxe continúa esta exploración dos lindes do narrativo en proxectos coma o filme 'A estación violenta' de Anxos Fazáns ou 'Análoxica', da man da mesma directora, dentro do proxecto de cinema erótico de Erika Lust.
Berio Molina
Berio Molina (1979) naceu en A Fonsagrada (Lugo). É licenciado en Belas Artes no ano 2003. Ten o título de Máster en Artes Dixitais (2005) pola Universitat Pompeu Fabra e o Máster en Computer Graphic Design (2009) polo R.I.T. de Nova York.
Dende o comezo interesouse pola creación colectiva sendo membro do grupo de performances Flexo, do colectivo de estudos aurais escoitar.org e do colectivo de arte e acción libre alg-a. En 2019 estrea a súa primeira longametraxe 7 limbos na Mostra de Cinema Periférico (S8), gañadora do premio á mellor dirección de obra experimental no IV Premios Crea, coa que viaxa por varios festivais internacionais como o Istambul International Experimental Film Festival (IIEFF), o Festival Internacional de Cine experimental de México (CODEC), ou o Festival Internacional de Cine Márgenes.
No 2016 estrea a curtametraxe Campo no FIVA de Arxentina, galardoado co 3º premio do festival. En 2021 estrea a curtometraxe Radio Cu Cu no Festival Internacional de Cine Curtocircuíto. Logra seleccións en festivais como FIVA de Arxentina e World Cinema Carnival en Calcuta. En 2018 realiza a post-produción de audio da película La Estrella Errante de Alberto Gracia. Actualmente compaxina a tarefa investigadora no programa de doutoramento en Creación e Investigación en Arte Contemporáneo da UVigo co traballo como cineasta e artista. O seu libro Setras, que nace no contexto de investigación da súa tese sobre a linguaxe sonora, recibe o Premio especial do xurado no Puchi Award (2017) outorgado por La Casa Encendida e a editorial Fulgencio Pimentel.